ارشادات الجلسة الاولى

هدفنا ان عيد ينطق جملة من كلمتين بمفرده بدون أي تلميح أو مساعدة،
فمن اليوم ليوم الأحد بعد اذنك:
١)حاولي مع عيد انه كل مايطلب شي شجعيه يسبقه بإن يقول كلمة “أبي” أو ابغى او أريد باللهجة الي تفضلوها.
مثل “أبي ألعب”، “أبي حلاو”، أبي أنام”…الخ.
٢) دايما اذا شفتيه وفهمي اخوانه انه يسألونه “ايش تبي؟” او ايش تبغى او ماذا تريد بأي لهجة تريحك?? بس حاولوا توحدوا الكلمة عشان لا يتشتت.
وبس يجاوب مثلا لو قال ألعب صححوله “أبي ألعب” وشجعوه يقولها.
٣)لو كان طلبه او رده من كلمة وحدة فقط “أنام” أو “جوال” أو “شبس” سووا نفسكم مو فاهمين وحاولوا معه يقول جملة من كلمتين سواء “أبي جوال ” أو ” أخذ جوال” او غيره.
٤)اذا قال جملة من كلمتين بمفرده شجعوه وسووله شي يحبه وحسسوه بإنجازه ??

?ملاحظة:
احنا علمناه الافعال قبل عشان يستخدمها مع كلمة أبي مثل (أبي أخذ) او( أبي أشرب) وبعد ما يتقن هالهدف ان شاءالله بنبدا معه يقول جملة من ثلاث كلمات:
(أبي أشرب مويا) أو (أبي أخذ لعبة) .
حاليا نبغاه يقول كلمة أبي مع فعل مثل (أبي اخذ/ألعب/أعطي….) أو اسم مثل (أبي مويا/ أبي بطيخ/ أبي بزل…الخ)

فأي تفاعل منه لقول جملة من كلمتين ياليت تبلغينا
ولو عندك أي سؤال تفضلي اسأليني

وشاكرة ومقدرة جهودك?